Американската моделка Кајли Џенер заработува најмногу благодарение на нејзиниот профил на Instagram, покажува листата Instagram Rich List 2019.
Џенер има 139.226.677 следбеници на оваа социјална мрежа, а за еден пост на Instagram таа заработи 1.266.000 долари.
Втора на оваа листа е американската пејачка Аријана Гранде, која има над 158 милиони следбеници на Instagram, а од еден пост заработи 996.000 долари.
Од еден пост на Instagram, португалскиот фудбалер Кристијано Роналдо инкасираше 975.000 долари, благодарение на неговите 172,8 милиони следбеници.
Четврта на листата е американската старлета Ким Кардашија со заработка од 910.000 долари од еден пост, а веднаш зад нејзе е американската пејачка Селена Гомез со заработка од 886.000 долари од само еден пост.
На дното на оваа листа се најде Бред Лау од Сингапур, кој е уредник на списание за патување и храна. Тој има 608.193 следбеници на Instagram, а од еден пост заработил “само“ 1.700 долари.
Фото: Pixabay