Музеите се незаменлив дел од туристичките истражувања. Дали некогаш сте се запрашале кој е најпосетуваниот музеј во светот? Зборуваме за фасцинантниот и апсолутно неверојатен музеј Лувр лоциран во Париз.
15 илјади луѓе во еден ден
Ако го посетите Лувр, ќе бидете еден од 15-те илјади луѓе кои го прават тоа секој ден, што значи дека секоја година го посетуваат милиони. Врвот во однос на бројот на посетители беше достигнат во 2018 година – кога најмалку 10 милиони луѓе ги погледнаа уметничките дела. Но, Лувр не е рекордер само по посетители. Лувр е и најголемиот музеј во светот. Неговата површина е неверојатни 60.600 квадратни метри, а бројот на експонати се искачува на неверојатни 550 илјади. Од тоа, само мал дел – 35 илјади – е изложен на јавноста.
Според проценките, во музејот висат околу 7.500 слики, а речиси 70 отсто од нив се слики на француски уметници, а една од најпознатите е „Мона Лиза“ од Леонардо да Винчи.
Ако посветите 30 секунди на секое дело, ќе ви требаат 200 дена за да го видите секое дело, пишува Путни кофер. Лувр првично бил замислен и изграден како тврдина во 1190 година, но во следните векови неговата функција се променила. Прво, во 14 век, таа била претворена во кралска резиденција, а потоа во 16 век, прераснала во многу повеличествена кралска палата. Но, самиот музеј е роден за време на Француската револуција. Ги отвори своите врати за јавноста во 1793 година под името Muséum Central des Arts de la République.
