Кој го осигурува светот? 10 осигурителни гиганти според приходите

„ЈунајтедХелт Груп“ е на врвот на листата на „Инвестопедија“ според приходите, додека „Беркшир Хатавеј“ скока напред според профитот и пазарната вредност. Рангирањето открива како се поврзани осигурувањето, здравствената заштита и управувањето со парите, но и зошто највисокиот приход не мора да значи и највисока заработка.

Од медицинска нега и сообраќајни несреќи до заштита на домови, фабрики и големи инфраструктурни проекти, осигурителните компании преземаат ризици што би можеле скапо да ги чинат поединците и бизнисите. Зад тие полиси стојат бизнис групи чии годишни приходи достигнуваат стотици милијарди долари.

Според листата објавена од „Инвестопедија“, „ЈунајтедХелт Груп“ е на првото место со приходи од 435,15 милијарди долари, пред „Беркшир Хатавеј“ и „CVS Health“.

Важно е да се разбере што мери оваа листа: тоа е вкупен приход во последните 12 достапни месеци, врз основа на податоци собрани на 14 и 15 јануари 2026 година. Опфатени се само компаниите чии акции се тргуваат во САД, директно или преку депозитарни потврди во САД. Затоа ова не е комплетна ранг-листа на сите светски осигурители, ниту споредба само врз основа на собраните премии за осигурување.

Десетте најдобри на листата: Кој води по приходи, а кој по профит?