Комерцијална банка АД Скопје е добитник на наградата Commerzbank’s STP Excellence Award за 2017 година, како признание за брзината и квалитетот на меѓународните плаќања, објавија од Банката.
Оваа награда е особено значајна бидејќи Commerzbank ја потврдува одличната соработка и по втор пат го признава извонредниот квалитет во директната обработка на плаќањата на Комерцијална Банка АД.
Високиот степен на ефикасност на директна обработка на меѓународните плаќања значајно влијае на заштедата на време и трошоци, што и дава конкурентска предност на Банката.
Оттаму посочуваат дека наградата претставува уште една потврда за квалитетот на девизното работење, но и обврска за постојано автоматизирање и унапредување на овој сервис.
