Од денеска започнува регистрацијата за Microsoft конференцијата Визија: Reloaded, најголемиот и најзначајниот настан годинава, којшто во текот на два дена ќе биде центарот на случувањата за ИТ и за бизнис секторот, стои во соопштението.
Конференцијата, во организација на Microsoft Македонија, ќе се одржи на 16-ти и 17-ти ноември во хотелот Мериот во Скопје и ќе собере на едно место повеќе од 300 бизнис лидери, одлучувачи, ИТ професионалци и партнери од земјава и пошироко. Сите тие ќе бидат дел од новата, освежена и надополнета Microsoft Визија конференција, којашто веќе со години е најважниот настан во ИТ индустријата, а од годинава и најголемиот настан којшто ја поврзува ИТ со бизнис секторот, со образовниот и со јавниот сектор.
Microsoft Визија: Reloaded ја раскажува новата приказна за интегрираните Microsoft бизнис решенија. Во три предавања ќе бидат презентирани потенцијалите на дигиталната трансформација на денешното време и можностите за зголемување на продуктивноста користејќи ја технологијата во рацете на бизнисот, односно како да се направи повеќе, побрзо и со помалку.
Главен говорник на конференцијата ќе биде Michael Kögeler, генерален директор за Multicountry регионот во Microsoft, кој опфаќа 15 земји во Централна и во Источна Европа. Меѓу главните говорници на конференцијата ќе бидат и Петар Иванов, генерален директор на Microsoft за Македонија, Бугарија и Косово, како и Љупчо Георгиев, директор на Microsoft Македонија и Косово.
“Нашата стратегија е да го трансформираме работниот простор преку најдобрите cloud – решенија на Microsoft, кои ќе им помогнат на нашите клиенти да ги стават своите податоци во функција, да ја зголемат продуктивноста на својот бизнис, како и да заштедат пари преку еволуциjа на работните процеси. Целта на Microsoft е да им дадеме на луѓето комплетна контрола над своето време за да можат да ги завршат сите работи – во секое време, на секое место и на која било направа““, изјави Љупчо Георгиев, директор на Microsoft Македонија и Косово.
На самата конференција, помеѓу сите активности, Microsoft Македонија, во соработка со Цертиадриа, ќе обезбеди и бесплатни ваучери за 30 кандидати вработени во јавната администрација да можат на самото место да го полагаат испитот Microsoft Office Specialist.
Регистрацијата за учество на конференцијата се врши преку официјалната веб страница: www.vizijareloaded.mk, а Early Bird котизациите се достапни до 24-ти октомври.
