Луксузниот проект „Bugatti Residences by Binghatti“, вреден повеќе од половина милијарда долари, привлекува врвни светски ѕвезди и инвеститори кои сакаат ексклузивност.
Меѓу нив е и бразилскиот фудбалер Нејмар Џуниор, кој, според податоците од објавата на инвеститорот, купил пентхаус од типот Sky Mansion за 54,45 милиони американски долари (околу 200 милиони дирхами).
Инвеститорот наведува дека купувањето на Нејмар дополнително го зголемува престижот на комплексот меѓу најбогатите.
Пентхаусот Sky Mansion вклучува погодности како што се приватен лифт за автомобили, базен со панорамски поглед на градот и врвно дизајниран ентериер.
Дополнително, комплексот содржи 171 резиденција „Riviera Mansion“ и 11 пентхаус единици „Sky Mansion“ – вкупно 182 единици во кулата.
Дубаи како епицентар на луксузни недвижности
Додека Дубаи продолжува да се зајакнува како глобална адреса за ултралуксузни недвижности, брендирани проекти како овој дополнително го зацврстуваат неговиот статус. Според инвеститорот, цената на целиот проект е повеќе од 514,6 милиони американски долари.
Становите со помал број соби (двособни) почнуваат од околу 1,18 милиони евра, трособните од околу 2,24 милиони евра, додека пентхаус единиците во највисоката класа достигнаа износ од над 32,5 милиони евра.
Луксузниот станбен проект го најавија Мате Римац и Мухамед Бингати, водечкиот инвеститор во недвижности и сопственик на Бингати Холдинг во мај 2023 година, потсетува Лидермедија.хр.