Министерот за економија Крешник Бектеши вечерва информираше за нето-профитот на дел од ланците супермаркети во земјава, во време на пандемија, без да ги открие нивните имиња.
-Еден од нив во 2020 имал нето-профит од 4 милиони евра, друг 2 милиони евра, а трет имал профит од 8,5 милиони евра. Имаме пет национални ланци кои имаат заработка од минимум 3 милиони евра, а одредени кои немаат ни 10 супемаркети во државата, заработиле над 5 милиони евра. Сите овие беа поддржани директно од владата во време на пандемија“, рече Бектеши во гостувањето на емисијата „Топ тема“.