Ле Мер: И по 2023 година ќе имаме инфлација невидена во последниве децении

41

Францускиот министер за финансии Бруно Ле Мер рече дека еврозоната е „среде врвот на инфлацијата“, која ќе трае најмалку до крајот на годината, но додаде дека сè уште има голема неизвесност.

Во интервју за францускиот весник Les Echos, тој рече дека очекува нивоата на инфлација да останат високи до крајот на 2023 година и дека „и по 2023 година, инфлацијата ќе биде структурно повисока отколку што сме доживеале во последните неколку децении“.

Зборувајќи за последниот пораст на приносите на обврзниците што ги погоди јужните земји од еврозоната, францускиот министер за финансии рече дека има „целосна доверба“ во грчката и италијанската влада да донесат правилни одлуки.

Инфлацијата во еврозоната се искачи на уште еден рекорд минатиот месец, зголемувајќи ги приносите на државните обврзници.