Компанијата Levi Strauss, Levi’s соопшти дека клиентите повторно купуваат фармерки, сега кога многумина низ целиот свет, од САД до Кина, ги напуштаат своите домови по пандемијата.
Шопингот во продавниците и на Интернет ги зголеми приходите во вториот квартал спротивно од очекувањата на аналитичарите. Иако продажбата е сè уште 3% помала отколку во 2019 година, компанијата предвидува дека е на добар пат.
Акциите на компанијата скокнаа околу 3% по оваа вест.
“Постојат многу работи што се надвор од наша контрола, како што е пандемијата … и варијантата Делта, и прашање е што ќе се случи следно“, рече извршниот директор Чип Берг.
Продажбата во САД и Кина го надмина нивото од 2019 година, но во Европа сè уште е во пад од две години поради постојаното затворање на продавниците поврзано со здравствената криза. Приближно една третина од европските продавници на Levi’s и 17% од нејзините глобални локации беа затворени во тој период.
Компанијата соопшти дека 92% од продавниците во моментов се повторно отворени. Зголемувањето на цените, заштедите при набавка на материјали и пониските промотивни активности помогнаа во зголемувањето на профитот.
Пазарната капитализација на компанијата е околу 11,2 милијарди долари.
Фото: Pixabay
