Германскиот трговски синџир Lidl наскоро започнува со изградба на комплекс во српскиот град Вршац, пишува порталот eVrsac.rs.
Комплексот ќе се простира на околу 20.000 метри квадратни, а во него ќе бидат вклучени супермаркет со пекара, трговски центар со кафе – ресторан и комерцијален објект со компатибилна намена. Во целиот комплекс се предвидени и 220 паркинг места.
Lidl во Европа е застапен со околу 10.000 продажни објекти и секоја година го продолжува трендот на отворање на нови. Долгорочниот план на компанијата е во Србија да отвори 100 малопродажни објекти.
