Линзи Торес е намладата милијардерка во Америка. Триесет годишната Торес е сопственичка и претседател на ланецот сендвичари In-N-Out Burger, кој според последните проценки вреди 1,1 милијарда долари.
Младата Американка го наследи бизнисот, основан од нејзините баба и дедо, Хери и Естер Снајдер во далечната 1948 година. По смртта на Хери во 1976, еден од неговите синови Рич застана на чело на бизнисот.
Рич почина во авионска несреќа на 41 годишна возраст, па таткото на Линзи Хери, Гај Снајдер го превзеде бизнисот во свои раце, во 1993 година. По смртта на Гај во 1999 година од предозираност со лекови, водството на In-N-Out Burger и припадна на Естер, бабата на Линзи. Таа го контролираше бизнисот се до нејзината смрт во 2006 година.
Денес оваа фаст фуд империја брои 280 продажни места во пет држави во САД, а Линзи го има приматот врз истата, како единствен наследник. Таа стана сопственик на половина од финансиите од In-N-Out Burger, минатата година на својот 30-ти роденден, додека другата половина од компанијата ќе ја стекне кога ќе наполни 35 години.
Торес нема универзитетска диплома, а ова и трет брак по ред. Младата милијардерка не сака да се експонира во јавноста и многу ретко дава интервјуа. Освен тоа што е единствен наследник и сопственик на In-N-Out Burger, Линзи поседува и куќа во Калифорнија, вредна 17,4 милиони долари, која се простира на површина од 16.600 метри квадратни. Луксузната куќа има 7 спални соби, 16 бањи и секаков вид на удобности за подобар живот.
Покрај бизнисот со брза храна, Торес ужива во трки со автомобили и учествува во натпревари. Понекогаш вози Plymouth Barracuda, модел од 70-тите или Chevrolet Camaro oд 1984 година.
