Mercedes – AMG ќе ја надополни својата гама во 2020 година со лансирање на plug-in-хибридна верзија на GT 4-Door Coupe.
Потврдено за Road & Track за време на Саемот за автомобили во Лос Анџелес од шефот за управување и продажба на AMG, Мајкл Нолер, автомобилот ќе добие V8 погон и ќе придонесе во GT поставата со вклучување на сè, од високо перформансен plug-in хибрид до екстремен Black Series модел.
Доколку се вратиме на AMG GT концептот од 2017 година, којшто претставуваше преглед на GT4, ќе видиме дека тој беше опремен со електрифициран четири литарски твин-турбо V8 мотор, којшто произведува повеќе од 800 коњски сили. Во извештајот од средината на 2018 година, шефот на AMG ,Тобиас Моерс потврди дека погонот ќе биде пуштен во производство “еден ден“ и ако го задржи излезот, тогаш ќе го направи PHEV GT4 побрз и помоќен од GT 63 S.
Нолер рече дека моделот ќе биде претставен следната година, околу истото време кога ќе биде претставена и Black Series варијантата на 2-Door GT. Духовниот наследник на SLS AMG Black Series e веќе виден за време на тестирањата и се очекува неговата најмоќна верзија да биде опремена со 4,0-литарскиот твин-турбо V8 мотор.
Преземено од Avtoplus.mk
