Microsoft ќе донира една милијарда долари за cloud услуги

17

satya nadella davos

Технолошкиот гигант Microsoft планира да донира една милијарда долари за cloud услуги што ќе им бидат од корист на непрофитните организации и универзитетските истражувачки центри во текот на следните три години, пишува Financial Times.

Главниот извршен директор на компанијата, Сатја Надела, ја објави оваа намера на Microsoft на светскиот економски форум што се одржува во Давос, Швајцарија.

Целта на овој проект да им се олесни пристапот на непрофитните организации и универзитетски истражувачки центри до компјутерските алатки во cloud за да може да се справат со големите технички предизвици.

Microsoft се надева дека овој вид на услуги ќе ги искористат над 70.000 непрофитни организации во следните три години. Овие донации ќе се реализираат преку Microsoft Philanthropies, којашто беше формирана неодамна.