Минатата година во ЕУ се произведени 13,5 милиони велосипеди

22

Минатата година во ЕУ се произведени вкупно 13,5 милиони велосипеди, 11 отсто повеќе од претходната година, објави Евростат.

Најмногу се произведени во Португалија (2,9 милиони), Романија (2,5 милиони), Италија (1,9 милиони), Германија (1,4 милиони) и Полска (1,2 милиони).

Во 2021 година, ЕУ извезла велосипеди во вредност од 921 милион евра, електрични и неелектрични, во земји надвор од ЕУ, додека увезла велосипеди во вредност од 1,8 милијарди евра.

Во 2021 година, увозот на неелектрични велосипеди надвор од ЕУ доаѓа главно од Камбоџа, 27% од вкупниот увоз на велосипеди надвор од ЕУ, Тајван (26%), Кина (10%), Бангладеш (8%) и Турција (5%).

Во меѓувреме, увозот на електрични велосипеди во ЕУ доаѓа првенствено од Тајван, 57% од вкупниот увоз на електрични велосипеди надвор од ЕУ, а потоа следат Швајцарија (13%), Виетнам (11%), Кина (7%) и Турција (6%).