Падот на вредноста на акциите на Tesla дополнително се забрза во последните недели. Во еден момент во понеделникот акциите на производителот на електрични возила паднаа за цели 11 отсто, на околу 214 долари. Тоа е под нивото од 235 долари – сума што американскиот секретар за трговија Хауард Лутник неодамна ја нарече „најниска цена што Тесла некогаш ќе ја има“.
На затворањето на берзата акциите беа на ниво од 233,29 долари.
Лутник ја пофали Тесла во телевизиско интервју минатиот месец, додека вредноста на акциите паѓаше. Потоа рече дека е „неверојатно“ колку се евтини акциите на Тесла и рече дека „ова ќе биде последен пат да бидат толку евтини“.
Акциите накратко пораснаа по неговата изјава, но најновите царини наметнати од Доналд Трамп ја избришаа целата таа добивка.
Од почетокот на новата трговска војна на Трамп минатата недела, Тесла изгуби 20 отсто од својата вредност. Споредено со највисоката вредност во декември, акциите сега паднаа за 52 отсто.
Тесла со месеци ја мачат проблеми како што се падот на продажбата, падот на профитот и загриженоста поради фактот што Илон Маск поминува се повеќе време во Белата куќа.
Пад на продажбата во Европа
Продажбата на електричните возила (ЕВ) на Tesla во Европа драстично опадна, при што бројот на регистрации се намали за дури 75 отсто во некои земји помеѓу јануари 2024 и јануари 2025 година, покажуваат новите податоци.
Фото: Pixabay