Економската активност во многу делови од светот покажа отпорност на предизвиците, но среднорочната перспектива за глобалниот раст останува слаба, објави Меѓународниот монетарен и финансиски комитет на ММФ (ММФЦ) по пролетниот состанок на ММФ и Светската банка одржан во Вашингтон.
Инфлацијата опадна во повеќето региони во светот, но нејзината упорност бара претпазливост, додека тековните војни и конфликти продолжуваат силно да тежат на глобалната економија, се додаваат во заклучоците на ММФЦ од состанокот во Вашингтон, од 15 мај до 20 април.
Глобалната економија, како што се наведува во соопштението на ММФЦ, се соочува и со итни структурни предизвици како што се климатските промени, задолженоста, растечките нееднаквости, како и ризиците од геополитичка фрагментација.
