Меѓународниот монетарен фонд (ММФ) денес малку ја зголеми својата прогноза за раст на глобалната економија за 2026 година, но предупреди дека вештачката интелигенција, трговските тензии и геополитиката сè уште претставуваат значителни ризици за светската економија.
Според најновиот ревидиран извештај за Светските економски перспективи, ММФ сега очекува глобален раст од 3,3 проценти оваа година, во споредба со прогнозите од 3,1 процент во октомври, додека проценката за раст за 2027 година е задржана на 3,2 проценти.
Растот во развиените економии се проценува на 1,8 проценти во 2026 година и 1,7 проценти во 2027 година, додека се предвидува дека Соединетите Американски Држави ќе пораснат за 2,4 проценти во 2026 година и ќе забават на два проценти во 2027 година.