По четири месеци преговори, Меѓународниот монетарен фонд (ММФ) ѝ додели на Аргентина заем во вредност од 7,5 милијарди долари, што треба да и помогне да излезе од длабоката економска и финансиска криза.
„Извршниот одбор на ММФ денеска го заврши петтиот и шестиот преглед на 30-месечната програма за финансирање на Аргентина (ЕФФ). Одлуката на одборот овозможува итна исплата на околу 7,5 милијарди долари“, се вели во соопштението на ММФ објавено во средата.
Поради екстремна суша и политички грешки, Аргентина не успеа да ги направи договорените буџетски корекции, објави фондот. Сепак, сè уште беше можно да се договорат нови цели, како што се зголемување на резервите на централната банка и построга фискална дисциплина.
Министерството за економија во Буенос Аирес мора да проследи повеќе од половина од новоодобрените средства на други доверители, објави аргентинскиот весник „Ла Насион“.
