Компанијата на Ричард Бренсон, Virgin Galactic планира ова лето да ги испрати своите први клиенти во вселената. Како што се доближува времето за лансирање на оваа услуга, интересот на јавноста за место во вселенско летало сè повеќе расте.
Илјадници заинтересирани вселенски патници направиле онлајн резервации. Картите за првиот комерцијален лет се распродадени, а иако официјалната продажба на новата серија карти не е почната, бројот на онлајн резервации е дуплиран од септември 2019 година. До сега компанијата остварила над 600 фиксни резервации, а на листа на чекање се околу 8.000 патници.
Во подготовките за продажба на нови серии карти, компанијата започна нова програма којашто дава можност на заинтересираните патници да уплатат рефундирачки депозит од 1.000 долари за кога ќе се ослободат нови места во леталото да бидат први на ред.
Фото: Facebook