Извршниот директор на Мајкрософт, Сатја Надела, ги информираше директорите и членовите на одборот дека софтверската компанија има за цел да достигне приход од 500 милијарди долари до фискалната 2030 година, што е повеќе од двојно зголемување на нејзината сегашна големина.
Оваа најава на извршниот директор дојде минатата година и е содржана во меморандум објавен во понеделникот како дел од сослушувањето во федералниот суд во процесот на стекнување на Activision Blizzard.
Мајкрософт, една од највредните компании во светот, нема тенденција да издава финансиски проекции далеку во иднината, пишува CNBC. Во својот последен извештај, на пример, даде насоки само за тековниот период, кој е четврти фискален квартал.
Во меморандумот од 15 страници со придружен документ од 21 страница, Надела рече дека Мајкрософт има за цел да ја постигне својата цел до 2030 година со „спроведување на стратегија која е ориентирана кон растот и е во согласност со нашата трајна мисија и култура“.
Надела, исто така, предвиде принос на акционерите, кои доаѓаат во форма на дивиденди и откуп.
Фото: Twitter