Цените на нафтата би можеле да достигнат 150 долари за барел доколку протокот на енергија низ Ормутскиот теснец остане нарушен до средината на мај, објави банката JP Morgan.
Американската инвестициска банка истакна дека нафтата наскоро ќе се движи на ниво од 120-130 долари за барел, објави Ројтерс.
Основната претпоставка на JP Morgan е дека енергетските текови на крајот ќе продолжат преку Ормутскиот теснец, каде што превозот е во колапс од почетокот на март. Иран селективно дозволува одредени бродови да минуваат низ најважната нафтена рута во светот, која пред војната пренесуваше 20 проценти од светскиот дневен проток на нафта и течен природен гас (ЛНГ).
Дури и ако Ормутскиот теснец денес биде безусловно отворен за целиот сообраќај, на глобалното производство на нафта и синџирите за снабдување со рафинерии ќе им требаат најмалку три до шест месеци за да се нормализираат на нивоата пред војната, објавува „Oil Price“.
