Цените на нафтата ја започнаа новата трговска недела со благ пораст, откако нагло паднаа минатата недела поради неизвесноста околу побарувачката во Кина и намалувањето на загриженоста за залихите на Блискиот Исток.
Нафтата „West Texas Intermediate“ за испорака во ноември се тргуваше за 69,54 долари за барел нешто пред 8:30 часот, што е за 32 центи повеќе од затворањето во петокот. Северноморската нафта Brent за испорака во декември поскапе за 27 центи на 73,33 долари, објави Bloomberg.
Минатата недела цената на нафтата падна за околу седум отсто. Пазарот е загрижен за побарувачката од Кина, која е најголемиот увозник на нафта во светот, но ја намали загриженоста за можните прекини во снабдувањето со нафта од Блискиот Исток, пренесува Ројтерс.
