Според извештајот на Savills, глобалниот недвижен имот кој вклучува станбени, комерцијални недвижности и земјоделско земјиште вредеше 379,7 трилиони долари во 2022 година.
Пазарот доживеа пад на вредноста во периодот од 2021 до 2022 година, поради растот на каматните стапки и инфлацијата. Сепак, пазарната вредност во 2022 година беше за 18,7% повисока во споредба со периодот пред пандемијата. Резиденцијалниот сектор зазема најголем удел на глобалниот пазар на недвижности, достигнувајќи 287,6 трилиони долари во 2022 година. Комерцијалните недвижности учествуваа со 13% од вкупната пазарна вредност.
Пазарот на недвижности на глобално ниво се соочува со пад на инвестициите. Сепак, неодамнешниот извештај на PwC сугерира дека и продавачите и купувачите сега се прилагодуваат на опкружувањето со високи каматни стапки. Пазарните експерти се надеваат на зголемени инвестиции, водени од јасни насоки за монетарната политика во САД, Европа и Азија. Давање приоритет на одржливоста при изборот на канцелариски простор е еден од растечките трендови на пазарот во индустријата за недвижнини.
Главните играчи на пазарот
Некои од клучните играчи на глобалниот пазар на недвижности се Simon Property Group, Sun Hung Kai Properties Limited и Welltower Inc.
Simon Property Group е една од најголемите компании за недвижнини во светот. Специјализирана е за стекнување и развој на трговски центри, ресторани и места за забава. На 24 април, компанијата го објави својот план да додаде нова продавница во Woodbury Common Premium Outlets, водечки центар во Северна Америка.
Најбогатите поединци
Insider Monkey состави листа на 25 најбогати милијардери во индустријата за недвижнини, користејќи го рангирањето на милијардери во реално време на Форбс. Листата ги рангира најбогатите милијардери во индустријата за недвижнини по растечки редослед на нивната нето вредност заклучно со 27 април. Комплетната рецензија можете да ја погледнете ТУКА, а ние ги носиме 5-те најбогати.
5. Питер Ву
Нето вредност (2024): 14,1 милијарди долари
Ву беше претседател на водечката компанија за развој на недвижнини, Wheelock & Co. Заклучно со 27 април, неговото нето богатство се проценува на 14,1 милијарди долари;
4. Хари Тригубоф
Нето вредност (2024): 16,2 милијарди долари
Трибугоф е сопственик на Меритон, компанија за развој на станбени кули. Компанијата има силно присуство во Сиднеј и нуди можности за живеење во средини со поголема густина.
3. Доналд Брен
Нето вредност (2024): 18,0 милијарди долари
Доналд Брен е еден од најголемите магнати за недвижнини во Америка. Тој е сопственик на водечка компанија за недвижнини, Ирвин Ко., која има 129 милиони квадратни метри недвижен имот во Јужна Калифорнија. Портфолиото на неговата компанија вклучува повеќе од 125 станбени комплекси и 590 деловни згради.
2. Кушал Пал Синг
Нето вредност (2024): 20,3 милијарди долари
Пал Синг поседува водечка компанија за недвижнини во Индија. Заклучно со 27 април, неговата нето вредност е 20,3 милијарди долари, поради што се рангира на самиот врв на оваа листа.
1. Ли Шау Ки
Нето вредност (2024): 28,3 милијарди долари
Тој е ко-основач на водечка компанија за развој на имот, Sun Hung Kai Properties Limited. Неговото богатство на 27 април беше 28,3 милијарди долари.
