Forbs ја објави листата на 100-те најплатени спортисти во 2018 година, пишува BBC. На списокот се наоѓаат спортисти од 11 спортови и 22 различни земји. Помеѓу нив најзастапени се NBA ѕвездите, дури 40 кошаркари се позиционираа на листата во првите 100. Потоа следат играчите од американскиот фудбал, кои ги има 18 и бејзбол играчите кои држат девет места на “богатата“ листа.
Меѓу најплатените спортисти, дури 66 доаѓаат од САД, а прв пат откако Forbs ја прави листата ниедна жена не се најде во 100-те најплатени спортисти на светот.
Во заработката се вклучени сите парични награди, плати и бонуси остварени во периодот јуни 2017 и јуни 2018 година.
Листата на најплатени спортисти за 2018 година изгледа вака:
- Флојд Мејведер, бокс, 285 милиони долари
- Лионел Меси, фудбал, 111 милиони долари
- Кристијано Роналдо, фудбал, 108 милиони долари
- Конор Мекгрегор, боречки спортови, 99 милиони долари
- Нејмар, фудбал, 90 милиони долари
- Леброн Џејмс, кошарка, 85,5 милиони долари
- Роже Федерер, тенис, 77,2 милиони долари
- Стефан Кари, кошарка, 76,9 милиони долари
- Мет Рајан, американски фудбал, 67,3 милиони долари
- Метју Стафорд, американски фудбал, 59,5 милиони долари
Фото: Pixabay