Корисниците на социјалните мрежи и одредени веб-локации во Европа ќе добијат поголема контрола врз содржината што им се прикажува од 25 август според Законот за дигитални услуги (DSA). Во иднина ќе можат да отфрлат одредени содржини кои сега им ги нудат алгоритмите.
Европската комисија идентификуваше 19 многу големи онлајн платформи, меѓу кои се, на пример, Meta, Amazon, Apple, Google, Microsoft, TikTok, YouTube, X или претходно Twitter, Booking, пишува порталот N1.
Сите очи ќе бидат насочени кон сопственикот на платформата X, милијардерот Илон Маск, кој често ги менува правилата на интернет.
Мета објаснува дека корисниците на социјалните мрежи Фејсбук и Инстаграм во Европа сега ќе имаат можност да следат различни типови на содржини без да бидат понудени според одредени алгоритми.
На тој начин, доколку сакаат, ќе можат само да ги следат објавите на луѓето што ги следат по хронолошки редослед, но не и други содржини, кои самите мрежи сега ги избираат за нив.
Во моментов, повеќе од 1.000 луѓе работат на прилагодување на новите европски правила во Мета.
Слични промени најави и TikTok. Корисниците на оваа мрежа ќе можат да го исклучат и приказот на содржината која предизвикува зависност која им се прикажува врз основа на интереси или алгоритми.
Booking, од друга страна, ветува можност за откажување од рекламните информации прикажани на нејзините веб-страници.
