Netflix најави рекорден буџет од 17 милијарди долари за 2021 година

17

Холивудското студио и најголемата стриминг платформа Netflix откри дека годинава ќе потроши повеќе од 17 милијарди долари за производство на содржини, оригинални филмови и серии, пренесува Variety.

“Како што забележавме претходно, доцнењето во производството поради Ковид-19 од 2020 година ќе доведе до поголема содржина во 2021 година, а со тоа и поголем буџет. И додека воведувањето на вакцини е многу нерамномерно низ целиот свет, ние се враќаме и произведуваме безбедно на сите поголеми пазари, освен Бразил и Индија. Ќе потрошиме повеќе од 17 милијарди долари за производство на содржина оваа година и ќе продолжиме да им доставуваме неверојатна палета на наслови на нашите членови, повеќе “оригинални производи“ отколку минатата година “, објави Netflix.

Во 2019 година, компанијата потроши повеќе од 15 милијарди долари во споредба со 12 милијарди долари во 2018 година, а се проценува дека во 2020 година потрошила околу 17 милијарди долари.

Фото: Freepik