Швајцарскиот гигант UBS, кој практично под државна принуда го презеде Credit Suisse минатиот месец, неодамна ја објави својата нето добивка за првиот квартал од 2023 година (јануари-март), која изнесува 1,03 милијарди долари.
Таа бројка претставува пад од 52% во споредба со истиот период минатата година, поради застарените судски спорови, наведува CNBC, додавајќи дека ова се први резултати за швајцарската банка откако го објави преземањето на својот ривал.
Според Refinitiv, аналитичарите очекуваа UBS да оствари нето добивка од 1,75 милијарди долари за првиот квартал. Швајцарската банка ги зголеми своите резерви за 665 милиони долари по судски спор околу американските хартии од вредност поддржани со хипотека.
И покрај падот на профитот, извршниот директор Серџо Ермоти рече:
– Нашите солидни основни перформанси и силните приливи овој квартал покажуваат дека продолжуваме да бидеме извор на стабилност за нашите клиенти во период на значителна неизвесност.
Акциите на UBS скокнаа за повеќе од 10 отсто по веста дека го купува својот швајцарски ривал.
Фото: Facebook
