Извозот на Кина продолжи да расте и во октомври, па стапката е најголема во последните 19 месеци. Според официјалните податоци, стабилен раст има и кај увозот, додека економијата покажува добри знаци на напредок.
Во октомври, извозот на Кина порасна за 11,4%, додека кај увозот скокот е за 4,7%, во споредба со истиот период лани. Во апсолутен износ, кинескиот извоз е 237 милијарди долари, а увозот 179 милијарди долари.
Зголемениот извоз создаде суфицит од 58,44 милијарди долари, што е за 34,9% повеќе во однос на истиот период минатата година.
Извозот на Кина би можел да го задржи силното темпо до крајот на годината, бидејќи домашните компании закрепнуваат многу побрзо од остатокот на светот, а продаваат и многу повеќе производи што се поврзани со Ковид-19, како што се заштитни маски за лице.
Фото: Freepik
