Nio подготвува ЕВ за Европа со цена под 30.000 евра

68

Nio има за цел да се спротистави на Volkswagen со своите електрични возила во Европа кога станува збор за достапноста и цената

Nio сака да го зголеми своето присуство во Европа и ќе се обиде да стане силна конкуренција на Volkswagen со нов бренд фокусиран на понуда на подостапни и поевтини ЕВ модели.

Претседателот на компанијата, Вилијам Ли, неодамна разговараше со германскиот магазин Der Spiegel каде откри дека еден од новите модели на брендот ќе чини помалку од 30.000 евра кога ќе излезе на продажба. Иако не успеа да даде дополнителни детали за возилото, тоа најверојатно ќе се продава или преку марката Alps или преку трет под-бренд во моментов познат како Project Firefly.

За овие два нови подбрендови се знае од август минатата година. Извештаите тврдат дека марката Alps ќе бара да продава возила за цена помеѓу 21.700 и 43.400 долари од средината на 2024 година во Кина. Nio потоа ќе се впушти во уште попристапен пазар за ЕВ преку брендот Project Firefly, со цел да продава возила со цена помеѓу само 14.500 и 29.000 долари. Минатата година беше објавено дека брендот Project Firefly ќе работи независно од Nio и ќе има свои тимови за истражување и развој.

„Да, во однос на цената тоа значи дека ние исто така го напаѓаме Volkswagen посилно од порано“, истакна Вилијам Ли во своето интервју.

Project Firefly

Брендот Project Firefly ќе работи со целосно нова фабрика која ќе биде основана во градот Чужоу во кинеската провинција Анхуи, придружувајќи им се на двете фабрики кои Nio веќе работи во блискиот град Хефеи, пишува Auto News.

На Nio очајно му треба да воведе серија поевтини електрични возила во Европа, ако сака да се натпреварува со VW и другите гиганти, како што е Tesla. Како што стои, неговите европски модели се движат од приближно 50.000 евра, па се до 91.000 евра, што ги става надвор од дофат на многумина.

За време на неговото интервју, основачот на Nio додаде дека производителот на автомобили, како и неговите кинески врсници, имаат 20% предност во однос на ривалите, вклучително и Tesla, поради контролата на Кина врз синџирот на снабдување со ЕВ и суровините.

Преземено од Avtoplus.mk

  • ОЗНАКИ
  • Nio