Новиот „народен“ модел на новата марка на Nio чини 20.000 евра во Кина, а со новите царини ќе биде многу поскап во Европа. Firefly е модел на мал електричен автомобил првично развиен за Европа, но Nio одлучи да го лансира прво во Кина токму поради зголемените тарифи на Европската унија за кинеските електрични автомобили. Firefly ќе пристигне во Европа во првата половина на 2025 година.
Првиот европски модел е дизајниран од поранешниот дизајнер на BMW и Ford, Крис Томасон, а како и другите модели на Nio, добива заменлива батерија. Nio има многу агресивни планови за новиот автомобилски бренд и има за цел да влезе на 25 нови пазари.
И покрај компактната големина, Firefly веќе доби пет ѕвезди во C-NCAP, што е кинески еквивалент на Euro NCAP, додека во внатрешноста на возилото, меѓу другото, има девет воздушни перничиња и најсовремени ADAS системи. Под капакот на моторот напред има 92 литри простор, а багажниот простор се искачува до вкупно 1250 литри (со спуштен вториот ред седишта).
Фото: Facebook Nio