Нов удар за Путин: Рускиот технолошки гигант ја напушта земјата?

30

Најсилната руска технолошка компанија „Јандекс“ сака да ги прекине сите врски со таа земја за да се заштити од последиците на војната во Украина.
Тоа може да ги попречи плановите на Путин да развие домашни замени за високотехнолошките стоки кои доаѓаат од Запад, пишува Њујорк Тајмс.

Yandex, компанија која често се нарекува „руски Google“, ќе ги однесе своите најперспективни нови технологии на пазарите надвор од Русија и ќе ги продава постоечките деловни операции во земјата, вклучувајќи го популарниот интернет пребарувач, фирмите за испорака на храна и апликациите за такси превоз, изјавија за Тајмс луѓе вклучени за продажба на компанијата пренесува Индекс.

Според нив, планот на компанијата е да се заштити од домашниот руски пазар и катастрофалниот ефект на западните санкции, кои би можеле да се прелеат на компании надвор од Русија. Тие додаваат дека по конфликтот со Украина, развојот на нови технологии, како што се самоуправувачките автомобили, вештачката интелигенција и услугите „облак“ стана невозможен. Ваквите операции кои бараат пристап до западниот пазар едноставно би пропаднале.

Продажбата мора да биде одобрена од Кремљ

Руската филијала на Yandex ќе продолжи да ги нуди истите производи во земјата под новите сопственици, рече второто лице запознаено со ова прашање, но не е јасно дали продажбата ќе се реализира. Имено, компанијата мора да добие одобрение од Кремљ за пренос на лиценци за технологија регистрирани во Русија надвор од земјата, изјави еден од инволвираните лица.

Исто така, ќе треба да најде купувачи, најверојатно во Русија, за да го префрли бизнисот, а целокупниот план за реструктуирање ќе треба да биде одобрен од акционерите на Yandex. Планот на Yandex моментално е поддржан од Алексеј Кудрин, генерален ревизор на руската влада и доверлив човек на Путин.

Кудрин, еден од ретките истакнати економски либерали кои останаа во руската влада, работи неформално за компанијата, но се очекува да преземе менаџерска улога во иднина. Се очекува Кудрин да се сретне со Путин оваа недела за да разговара за иднината на Yandex и други теми, изјави еден извор за Тајмс.