Нови рекорди на Волстрит, европските инвеститори повнимателни

29

На Волстрит минатата недела индексот S&P 500 достигна рекордно високо ниво, како и Nasdaq, што најмногу се должи на растот на цените на акциите во технолошкиот сектор, додека европските инвеститори беа повнимателни.

На Волстрит, Dow Jones изгуби 0,1 отсто минатата недела, на 39.087 поени, но S&P 500 порасна за 0,95 отсто, на 5.137 поени, а индексот Nasdaq 1,7 отсто, на 16.274 поени.

На почетокот на неделата инвеститорите беа претпазливи бидејќи не сакаа да ризикуваат во пресрет на новиот извештај за инфлацијата во САД, па индексите стагнираа.

Новите податоци за инфлацијата беа во согласност со очекувањата.

Индексот на цените на личната потрошувачка, вклучително и енергија и храна, во јануари е зголемен за 0,3 отсто на месечно и 2,4 отсто на годишно ниво.

Тоа донекаде ги зајакна пазарните проценки дека американската централна банка би можела да започне со намалување на каматните стапки во јуни, додека претставници на ФЕД велат дека нема причина да се брза со намалување на каматните стапки.

Дали ќе продолжи да расте или ќе има корекција на цената?
Благодарение главно на еуфоријата околу развојот на вештачката интелигенција, S&P 500 и Nasdaq достигнаа нови рекорди на крајот на неделата, бидејќи цените на акциите на технолошките гиганти како што се производителите на чипови Nvidia и Advanced Micro Devices се зголемија.

И додека некои аналитичари сметаат дека пазарот сè уште има простор за раст, благодарение на моментумот на технолошкиот сектор, некои предупредуваат дека вреднувањата во тој сектор се исклучително високи, па може да следи надолна корекција на цените на акциите.

И на европските берзи минатата недела тргувањето беше повнимателно. Лондонскиот FTSE индекс ослабе за 0,3 отсто, на 7.682 поени, а париски CAC за 0,4 отсто, на 7.934 поени. Франкфуртскиот DAX скокна, пак, за 1,8 отсто, на 17.735 поени.