„Нвидија“ планира да изгради центар за истражување и развој во Кина, објави „Фајненшл тајмс“ во петокот.
Извршниот директор на компанијата, Јенсен Хуанг, го разгледа планот со градоначалникот на Шангај, Гонг Женг, за време на нивниот состанок минатиот месец.
Планираниот центар ќе ги истражува потребите на кинеските клиенти, како и техничките барања потребни за исполнување на строгите ограничувања на извозот на САД, според извештајот на „Фајненшл тајмс“.
Кина учествуваше со околу 14 проценти во приходите на компанијата во 2024 година, а извршниот директор Јенсен Хуанг ја истакна земјата како потенцијален пазар од 50 милијарди долари во наредните години.
Nvidia го продава чипот H20 во Кина, модел со намалени перформанси во согласност со ограничувањата за извоз од ерата на Бајден. Сепак, во април, администрацијата на Трамп воведе уште построги ограничувања за извоз на технологија во Кина, кои сега ја спречуваат испораката на сегашната генерација чипови H20.
Претходните извештаи сугерираа дека Nvidia планира дополнително да ги намали перформансите на чипот H20 за да ги исполни барањата на САД.
И покрај ова, чипот е исклучително популарен во Кина и го користат неколку големи компании за вештачка интелигенција како што се Bytedance, DeepSeek, Tencent и Baidu.