Климатскиот тинк-тенк Ember го објави својот извештај за производството на електрична енергија во светот за првата половина на 2024 година и може да се види дека во Европската унија, обновливите извори на енергија произведувале повеќе електрична енергија отколку фосилните горива.
Според извештајот, обновливите извори на енергија (соларни и ветерни електрани) произвеле 30 отсто, додека фосилните горива (нафта, гас, јаглен) паднале на 27 отсто од електричната енергија за првите шест месеци од 2024 година.
Земјите каде обновливите извори на енергија за прв пат ги преземаа фосилните горива се Германија, Унгарија, Холандија и Белгија, додека девет земји-членки на ЕУ го постигнаа овој успех во изминатите неколку години. Тоа се Шведска, Франција, Луксембург, Шпанија, Данска, Литванија, Финска, Португалија и Австрија.
Бугарија, Естонија, Хрватска, Словенија, Малта, Ирска, Летонија, Полска, Чешка, Словачка, Италија, Романија и Кипар сè уште ја чекаат транзицијата, додека Грција е релативно блиску до тоа дека обновливите извори на енергија ги „престигнуваат“ фосилните горива.
