Првиот квартал од оваа година ги измеша картите на финансиските пазари – инвеститорите сè повеќе му вртат грб на Волстрит. Клучни зборови се: тарифи, инфлација и рецесија.
Во споредба со минатата година, сепак, нешто останува исто – цената на златото продолжува да расте.
Со добивки од дури 19% помеѓу 1 јануари и 31 март, златото го имаше својот најдобар квартал од јули до септември 1986 година, кога светот го потресе нуклеарната катастрофа во Чернобил. Овој „распад“, кој ги принудува инвеститорите да продаваат ризични инвестиции и да бараат засолниште во злато, е поврзан со трговската војна што ја иницираше Доналд Трамп, односно со нејзините можни последици: повисока инфлација, стагфлација или дури и рецесија. Сè повеќе економисти повлекуваат паралели со 1930 година, кога американскиот претседател Хувер го потпиша Законот за Смут-Холи за заштита на домашната економија – што, заедно со контрамерките од остатокот од светот, дополнително ја турна земјата во подлабока рецесија.
Фото: Pixabay
