Од утре ќе може да се пререгистрираат возилата со странски регистарски таблички

50

Ако до утре во Службен весник бидат објавени правилниците кои се однесуваат на пререгистрацијата на возилата кои низ државатa се возат со странски таблички, нивните сопственици веќе од утре ќе можат да ги пререгистрираат и да добијат македонски регистерски таблички, најави министерот за економија Крешник Бектеши.

“Единствен проблем што сѐ уште не можат да се пререгистрираат возилата со странски таблици кои се возат низ државава беше донесувањето на правилникот за Поединечно одобрување на возила кој е веќе донесен. Убеден сум дека денеска или утре ќе биде објавен во Службен весник и ќе стапи на сила, порача денеска министерот за економија, Крешник Бектеши.

“Во законското решение кое го усвоивме предвидено е Законот да стапи на сила 20 дена откако ќе биде објавен во Службен весник. Токму во одредени членови од Законот е предвидено да се донесат соодветни правилници, а вчера Министерството за економија го донесе правилникот за Поединечно одобрување на возилата. Сега Бирото за метрологија и другите институции како што е Царинската управа може слободно да почнат со регистрација на возилата кои се предвидени со последното законско решение“, додаде министерот Бектеши.

Фото: Pixabay