Осигурителните компании се соочуваат со милионски побарувања откако трите концерти на поп пејачката Тејлор Свифт во Австрија во рамките на нејзината турнеја „Ерас“ беа откажани поради планиран напад на стадионот Ернст Хапел.
На тој концерт се очекуваше да дојдат околу 195.000 обожаватели на пејачката, кои ги нарекуваат „Swifis“.
Компанијата што го организира концертот „Баракуда мјузик“ соопшти дека на сите што купиле билети ќе им бидат вратени парите во рок од 10 дена.
Свифт е меѓу омилените изведувачи на осигурителните компании бидејќи ретко откажува концерти, вели изворот.
Генералниот директор за рејтинг на светските финансиски институции Маркос Алварез изјави дека загубите од откажувањето на концертите би можеле да изнесуваат десетици милиони долари.
Вишиот потпретседател на групата за спорт и забава на NFP, Ли Ен Роси, рече дека ако откажувањата станат шема, тоа може да влијае на пазарот.
