Магазинот Time повторно добива нов сопственик, откако осум месеци беше во рацете на американската медиумска групација Meredith Corporation, пишува BBC.
Престижното списание преминува во сопствеништво на ко-основачот на Salesforce.com, Марк Бениоф, кој заедно со неговата жена го купија Time за 190 милиони долари.
Сопружниците, сепак нема да имаат удел во уредувачката политика, а зделката се очекува да биде комплетирана за еден месец, откако ќе добие регулаторно одобрување.
Бениоф покрај основач е претседател и главен извршен директор на компјутерската компанија Salesforce.com, којашто нуди облак услуги. За него и сопругата оваа зделка е од големо значење од причина што негувале огромна почит кон списанието и самиот долгогодишен медиумски бренд.
Според Forbes, Бениоф моментално вреди 6,7 милијарди долари.
Фото: Facebook
