Павле Дуров, коосновач на популарната руска социјална мрежа ВКонтакте го продаде својот удел во компанијата. Купувач на 12% од компанијата е Иван Таврин, генерален директор на мобилниот оператор Мегафон. Втор најголем акционер во операторот е милијардерот Алишер Усманов, пишува московски Ведомости.
Според весникот, договорот бил склучен уште во декември. Сумата за продажба не е позната, но вредноста на социјалната мрежа е проценета на 3-4 милијарди долари.
Дуров во ВКонтакте имаше удел од 12%, 40% се во рацете на групата Mail.ru на Усманов и 48% – на фондот United Capital Partners (UCP) на Илја Шчербович.
ВКонтакте е основана во 2006 година и е многу попопуларна социјална мрежа во Русија од Facebook.
