Фото: Pixabay
Без разлика колку долго работите некоја работа, прва и основна претпоставка за успех е да го сакате она што го работите. Со тоа ќе бидете мотивирани да работите и нема да ви падне тешко дополнителното жртвување доколку е потребно. Треба да бидете свесни дека зад секоја успешна кариера стојат многу одрекувања, планирања, труд и работа.
Ако не сте задоволни од своите деловни достигнувања, време е нешто да промените. Прочитајте ги овие четири совети кои ќе ви помогнат да го извлечете максимумот од работата и да изградите успешна кариера.
Контролирајте го својот напредок
Секој кој сериозно ја сфаќа својата работа треба најмалку еднаш во две години да направи објективен преглед на сопствениот напредок. Бидете строги кон себе и не си дозволувајте оправдувања за работи што сте можеле да ги постигнете, а не сте. Размислете добро каде сте грешеле, што сте пропуштиле и настојувајте да научите нешто од тоа. Притоа не се споредувајте со другите колеги, концентрирајте се на себе и на она што се однесува исклучиво на вас.
Одржувајте добри односи со колегите
Приоритет на работа нека ви биде да одржувате добри меѓучовечки односи и никогаш не ги потценувајте своите колеги затоа што никогаш не знаете кога некој од нив ќе ви притреба. Обидете се да ги запознаете луѓето со кои работите. Секако никој од вас не бара да станете најдобри пријатели, но поради тоа што голем дел од денот го минувате со нив, нема да ви биде пријатно ако со повеќето сте во лоши односи.
Работата не е забава, колегите не се друштво
Едно е создавање добри услови за работа и меѓучовечки односи, а друго е атмосфера како кога се наоѓате со друштвото. Тоа се две работи што треба да се разграничат. На работа се важни работа и дисциплина. Бидете одговорни, на време завршувајте ги обврските и не забошотувајте. За време на паузата или надвор од работното време е дозволено да се опуштите со своите колеги, но сеедно, научете да поставите граница меѓу деловниот и приватниот однос.
Избришете ги зборовите “не сакам” и “не знам” од вокабуларот
Незнаењето не е оправдување. Денес има толку многу достапни извори на информации како никогаш претходно, затоа подобро гризнете го јазикот пред да кажете дека нешто не знаете. Истото важи за намерно одбивање на задачи. Таквиот став не е пожелен за градење успешна кариера. Отфрлете го стравот и прифатете се што ви нудат, а ако сметате дека нешто навистина не можете да сработите, подобро објаснете го тоа и побарајте помош.
