Откази и во Alphabet, Пичаи порача: Јас сум одговорен за одлуките што нè доведоа до сегашната ситуација

33

Матичната компанија на Google, Alphabet во петокот објави дека ќе укине 12.000 работни места, порачувајќи им на работниците дека економската ситуација е полоша отколку што очекувале.

Компанијата интензивно вработува во последниве години „за поинаква економска реалност од онаа со која се соочуваме денес“, напиша извршниот директор на Alphabet Сундар Пичаи.

Јас сум целосно одговорен за лекциите кои нè доведоа до сегашната ситуација, додаде Пичаи.

Компанијата планира отпуштања и во инженерските одделенија, а работниците во САД први добија известување за отпуштањата.

Во другите земји, процесот ќе трае подолго поради законите за работни односи, додаваат тие.

Објавата на Google следи по овонеделните информации од Microsoft дека планира да отпушти 10.000 работници.

Клиентите се обидуваат да го „оптимизираат“ дигиталното трошење и се претпазливи затоа што некои делови од светот се во рецесија, а други тоа го очекуваат, објасни извршниот директор Сатја Надела во пораката до вработените, најавувајќи префрлање во „стратешки области“, вклучувајќи, можеби, вештачка интелигенција.

Во средата, Амазон исто така почна да дели отпуштања, што би требало да влијае на 18.000 вработени. Мета, чадор-компанијата на Facebook, планира да отпушти 11.000 од нив, а Salesforce 10 отсто од вкупно 80.000 вработени.

Вкупно, повеќе од 97.000 отпуштања беа објавени во технолошкиот сектор во 2022 година, што е најмногу од 2002 година кога отпушти 131.000 работници, според податоците од Challenger, Grey & Christmas.

Не сме виделе ваков вид на активност од пропаѓањето на dot-com, рече Ендрју Челинџер, постар потпретседател на компанијата, алудирајќи на пукањето на дигиталниот балон на почетокот на векот.