Откриени нови големи планови:Илон Маск планира да изгради сопствен град

33

Додека големите технолошки компании градат кампуси за своите вработени, Маск одлучи да изгради град.

Откако даде 44 милијарди долари на Твитер, Илон Маск сега има нови големи планови. Тој сака да изгради свој град во кој ќе можат да живеат и работат вработените во неговите компании. Луѓето и компаниите поврзани со Маск и неговите компании веќе некое време купуваат земјиште во близина на Остин во американската сојузна држава Тексас, на кое би требало да ги постават темелите за нов град.

Според извештајот на The Wall Street Journal, тој град треба да се вика – Snailbrook, што е референца на маскотата на неговата компанија The Boring Company (полжавот Гери).

Додека бројни технолошки компании градат свои кампуси за своите вработени со канцелариски згради и различни содржини како ресторани, забавни и спортски објекти и слично, затоа Маск реши да оди чекор понатаму, а за вработените во Tesla, SpaceX и The Boring Company тој решил да изгради цел град. Треба да има повеќе од 100 куќи, спортски терени и базен, а најважно за луѓето што треба да живеат таму е што цената на становите ќе биде пониска во однос на пазарните.

Пред три години Маск најави дека ќе го пресели седиштето на Тесла од Калифорнија во Тексас, а минатата година Тесла отвори нова голема Гигафабрика во Остин. Во овој град има капацитети и Boring Company и SpaceX, а според минатомесечниот извештај, Маск е во преговори со градските лидери за пробивање на тунел под Остин.

Новинарите ги контактирале сите споменати компании на Маск за плановите поврзани со изградба на град во кој би живееле нивните вработени, но сè уште не добиле одговор на нивните прашања.