Отворени денови на Централен регистар во Велес

43

Стручен тим на Централниот регистар од Скопје присуствуваше во Велес во рамки на акцијата Отворени денови. Жаклина Танушевска од Централниот регистар појасни дека посебен акцент се става на новите услуги и проекти кои во последно време ги има преземно Централниот регистар со измените во Законот за трговски друштва, а со кои се овозможува регистрација на фирми само со еден чекор за нула денари.
Втора услуга која се промовира е системот за е-услуги, а која служи за олеснување на пристапот до информации од Централниот регистар, посебно до потврдите кои се потребни за јавни набавки.
“Системот овозможува електронска нарачка на документи и нивно преземање во електронска форма или во хартиена”, појасни Танушевска.
Во текот на Отоврениот ден беше направена и презентација и обука за поднесување на годишни сметки по електронски пат за 2013 година.