Овие милионери богатството го стекнаа по 50 -та година

895

Средовечните луѓе прават грешка кога велат дека нивното време поминало. Лесно се одрекуваат од предизвиците што можат да го променат нивниот живот и финансискиот статус. Луѓе кои влегоа во шестата деценија од животот, формираа некои од најмоќните компании во светот.

Истражувањата во САД покажуваат дека најуспешните бизниси се основани од средовечни луѓе.

Сопственик на бизнис кој е влезен во шестата деценија има 2,8 пати поголема веројатност да успее во однос на ониекои наполниле 25 години.

Ова се некои од најпознатите светски брендови и компании кои се создадени благодарение на знаењето и искуството на средовечните луѓе.

Лео Гудвин на возраст од 50 години основаше осигурителна компанија

Со неговата сопруга Лилијан, тој започна да прави полиси за осигурување. Во соработка со државата, во 1936 година тие формираа компанија која обезбедуваше услуги за здравствено осигурување на вработените. Во текот на една година тие имаа 3.700 полиси. Денес нивната осигурителна компанија Geico има 17 милиони полиси за автомобили и е една од најпознатите брендови во САД.

Харланд Сандерс – основач на KFC

По неговата воена служба, полковникот Сандерс се занимавал со разни работни места. Во текот на 40-тите години на минатиот век тој водеше бензинска пумпа во Кентаки. На гостите им служел пржено пилешко за да се зголеми дневниот промет. Неговиот рецепт стана популарен. KFC започна со работа во 1952 година кога Сандерс имаше 62 години.

Првата франшиза ја продаде на пријател во Солт Лејк Сити. Една деценија подоцна, компанијата имаше стотици ресторани, а Сандерс го продаде својот удел за два милиони долари.

Марта Стјуарт имаше 50 години кога го објави своето прво списание

Таа ја започна својата кариера како брокер на Вол Стрит. Таа се откажа од својата работа кога семејството се пресели во Конектикат. Таму реновираше куќа од 19 век и се заинтересира да го украси својот дом. Следните 10 години се занимаваше со угостителство и во 1990 година го објави првиот број на своето списание. Martha Stewart Living magazine стана една од најпознатите брендови во областа на издаваштво.

Фирмата тогаш прерасна во империја. Денес поседува неколку списанија, издавачка куќа и ТВ-емисии. Вредноста на компанијата се проценува на 1,2 милијарди долари.

Ариана Хафингтон ја лансира Huffington post на 55 години

Ариана е Гркинка по потекло, а кога се преселила во САД, пишувала биографии. Таа го промовираше светски познатиот онлајн магазин во 2005 година, кога беше во нејзината шеста деценија. Со развојот на дигиталните медиуми, списанието стана сè повеќе влијателно.

Ариана се повлече од функцијата главен уредник на Huffington во 2016 година, а страницата сè уште е една од најчитаните во светот денес.

Фото: Pexels