Пандемијата што ја предизвика коронавирусот на глобалниот долг му додаде нови 24 билиони долари, достигнувајќи рекордно ниво од 281 билион долари, што е за 355% над вредноста на глобалниот бруто домашен производ, пренесува Ројтерс.
“Очекуваме глобалниот државен долг оваа година да се зголеми за дополнителни 10 билиони долари. Политичките и општествените притисоци може да ги ограничат напорите на владите да го намалат дефицитот и долгот, загрозувајќи ја способноста да се соочат со кризите што се очекуваат во иднина“, покажува истражувањето на Институтот за меѓународни финансии.
Растот на долгот е посебно изразен во Европа, а најголем е во Франција, Шпанија и Грција и тоа со пораст за 50 процентни поени.
Владите во светот осмислуваа и носеа пакети за поддршка на економијата, но експертите веруваат дека долготрајното потпирање на државна помош може да создаде “системски ризици“, вклучувајќи поддршка на таканаречени зомби компании.
Фото: Pexels