Пекабеско донираше млеко и конзервирана храна за луѓето погодени од поплавите

24

pekabesko donacija

Компанијата Пекабеско донираше конзервирана храна наменета за луѓето погодени од поплавите.

“Нашата компанија се приклучи на огромниот број хумани граѓани, компании и организации кои несебично донираат за настраданите во поплавите што го зафатија Скопје“, стои во соопштението на компанијата.

Пекабеско обезбеди 1.440 литри млеко, како и 960 килограми конзервирана храна и со тоа се вклучи во хуманата акција на Црвениот крст на Република Македонија за помош на лицата погодени од поплавите.

Од компанијата упатија апел до своите вработени и деловни партнери да се вклучат и да ја поддржат оваа хумана акција преку донирање на храна, облека или финансиски средства преку отворените телефонски линии и жиро сметки.