Фото: Pixabay
Без разлика дали се работи за продажба или развиени комуникациски вештини, успешниот претприемач треба да знае како да го привлече потрошувачот, да му го продаде производот и да го “натера“ да се врати повторно.
Постојат голем број на бизнис вештини што ги поседуваат успешните претприемачи, но овие пет се неопходни за секој што сака да води бизнис:
1. Продажба
Оваа вештина е најнеопходна при водење на бизнис. Маркетингот ги привлекува клиентите во вашиот бизнис, но продажбата е тоа што ќе ги натера да се враќаат повторно и да ви ги полнат џебовите со пари. Затоа не е чудно што повеќето од претприемачите имаат искуство во продажба.
2. Планирање
Преземањето на голем бизнис чекор може да ве одведе до голем успех или пак до самиот крај, посебно ако бизнисот е во раната фаза на развој. Успешните претприемачи добро планираат и се придржуваат до планот, размислуваат за секој ризик што треба да преземат – сите придобивки или евентуални загуби што би можеле да произлезат. Исто така многу е важно плановите да бидат реални во однос на факторите време и расположлив буџет.
3. Комуникации
Комуникациите претставуваат збирна вештина што во себе содржи можност да им се посветите на лојалните вработени, шармирање на потрошувачи со цел повторно да се вратат, привлекување на инвеститори и други извори за зголемување на приходите на вашиот бизнис.
4. Фокусираност на клиентите
Успешните претприемачи го насочуваат фокусот кон клиентите. Тие не забораваат дека се што прават е за потрошувачите, бидејќи клиентот е тој што всушност овозможува постоење на нивниот бизнис. Добар претприемач секогаш има време за своите клиенти, без разлика дали тие имаат пофалба или жалба. Да се има добра фокусираност на клиентите, значи да се види секој потрошувач како можност да се подобри бизнисот и да се оствари поголем раст.
5. Љубопитност
Најдобрата бизнис вештина секогаш била љубопитноста. Таа ќе ве натера да погледнете што прави вашата конкуренција, а исто така ќе ви овозможи користење на најновите технологии и учење на нови работи. Љубопитнота ќе ви овозможи изнаоѓање на нови начини како да дојдете до повеќе клиенти и да го подобрите бизнисот.
