Фото: Pixabay
Не постои магична формула за совршен шеф. Тој би бил совршена мешавина на конструктивни критики и пофалби, надгледување на проекти, со надеж дека ќе им се допадне на вработените.
Секој менаџер ќе се соочи со судење и грешки во процесот на воспоставување на рамнотежа помеѓу различните очекувања.
Колку и да сакате да бидете совршен шеф, обидете се да се ги избегнете овие пет стратегии:
Шеф кој е најдобар пријател
Откако ќе ги дистрибуираате одговорностите, најверојатно ќе сакате да им се допаднете на тимот вработени на кого сте надредени. Ќе сакате да уживаат на работното место, да можат да ви се обратат за се што им е потребно или со какви било прашања. Вие ќе сакате всушност, да ве сметаат за “кул” шеф.
Шефовите кои се обидуваат да бидат пријатели со вработените најчесто се шегуваат, одат на ручек со нив и ги прашуваат за плановите за викенд. Се разбира дека нема ништо лошо во тоа, но ќе бидат тестирани кога на тимот ќе треба да му пренесат некои лоши вести, за да се оцени нивната работа или дисциплинирани поединци.
Доколку не сте во можност да направите конструктивна критика од страв дека тоа ќе го уништи вашиот однос со вработените, тогаш негативно ќе влијаете на целата работа. Важно е дека вработените ќе ве сакаат, но ако вашето однесување е условено само од тоа, тогаш вие ќе бидете неефикасен шеф.
Шеф кој носи само лоши вести
Ова е дијаметрално спротивна ситуација. Некои менаџери се впуштат во авторитаризам за да го обезбедат почитувањето од вработените. Во секое време на вработените им даваат до знаење дека тие имаат направено нешто погрешно. Се потпираат на критики, наместо пофалби.
Додека конструктивна критика е потребна и неопходна, истражувањата покажуваат дека за секоја негативна критика треба да бидат дадени шест пофалби со цел да се обезбеди продуктивност без да паѓа моралот. Требате да имате на ум дека пофалбите се клучна мотивација на вработените. Во суштина, ако се користи секоја можност за да се нагласат погрешните чекори, ќе го изгубите кредибилитетот во очите на вработените.
Неук шеф
Доколку се најдете на шефовска позиција и не сте запознаени со работата што ја вршат вработените со коишто управувате, ќе имате големи проблем. Веројатно ќе им поставувате прашања што на нив ќе им се чинат базични и непотребни. Во такви случаи, вработените обично престануваат да го почитуваат претпоставениот. На крајот, поентата е јасна – ако не знаете што работат вашите вработени, како тогаш ќе управувате со нив?
Вработените не очекуваат да ја познавате природата на нивната работа во детали, но треба да знаете доволно за да можете да ги поставите основните цели пред нив.
Отсутен шеф
Менаџерската работа претпоставува многу натрупан распоред. Календарот веројатно ви е полн со состаноци, деловни ручеци, и вие сте секогаш во некој вид на брзање. Меѓутоа, ако дозволите тоа да ви го одземе целото работно време, тогаш вашите вработени ќе претпостават дека не се приоритет.
Како менаџер, треба да бидете на располагање на вработените, за да можат да ви поставуваат прашања и да ви ги презентираат идеите. Вие како менаџер треба да им обезбедите стручни насоки. Се разбира дека имате многу други обврски, но менаџирање со тимот на вработени треба да биде вашиот приоритет.
Шеф кој дава целосна слобода
Ова е една од најатрактивните стратегии за шефовите. Ако добиете тим на вработени кои ги знаат нивните обврски и рокови, се фокусирани на работата и даваат добри резултати, без ваша интервенција, се чини дека е најдобро да ги препуштите сами на себе. Сепак, без вашиот надзор и интервенција, вработените ја губат можноста да ги развиваат своите вештини и кариера. Исто така, тие не знаат дали направиле нешто добро или лошо.
Дури и на најдобрите вработени потребно е да им посветите внимание. Колку и да е самостоен тимот од вработени, вашето лидерство е неопходно за да се зголеми нивниот потенцијал.
