Платите во Унгарија не растеле толку брзо од 1998 година

14

Платите во Унгарија се зголемени за речиси една третина. Бруто месечните плати се зголемија за 31,7% на годишно ниво на 1.568 долари во февруари, соопшти статистичкиот завод со седиште во Будимпешта.

Зголемувањето е најголемо од 1998 година, според „Блумберг“.

Унгарскиот премиер Виктор Орбан го освои четвртиот последователен мандат на гласањето на 3-ти април. Тој водеше кампања за привлекување гласачи со зголемување на платите и бонуси во јавниот сектор, вклучително и еквивалент на шестмесечна плата за војниците и полицајците.

Ова ги зголеми платите во јавниот сектор за 54% во февруари, пред корпоративниот сектор, каде платите пораснаа за 12%, според Заводот за статистика.

Сепак, растот на платите ја поттикна и инфлацијата, која забрза на годишна стапка од 8,5% во март, највисоко ниво од 2007 година. Базичната инфлација, која ги исклучува нестабилните цени на енергијата и храната, е 9,1% годишно, што е најбрзо темпо во последниве речиси 21 години.