Инфлацијата во Чешка почна да забавува по 13 месеци, и додека во јули беше 17,5 отсто, во август благо се намали на 17,2 отсто на годишно ниво.
Како што соопшти чешкиот завод за статистика, забавувањето е последица на забавениот раст на цените на горивата и нафтата, додека кај прехранбените производи, цените продолжуваат да растат, особено кај брашното кое поскапе за 64,2 отсто во однос на август 2021 година млекото со поскапување од 48,7 отсто, шеќерот 41,7 отсто, сирењето и јајцата за 24 отсто.
Најголемо учество во инфлацијата во однос на истиот период лани се припишува на порастот на трошоците за енергија и домување, каде струјата е поскапа за 34,6 отсто, гасот за 61,4 отсто, парното и топлата вода за 20 отсто, а кириите за 5,1 отсто. проценти.
Чешкиот завод за статистика и аналитичарите очекуваа дека инфлацијата во август ќе биде иста како во јули, 17,5 отсто.
Владата на чешкиот премиер Петр Фиала, додека чека заедничкото европско решение што ќе биде претставено од Европската комисија оваа недела, повторно се состанува денеска за да ги разгледа националните мерки кои би ги запреле огромните зголемувања на цените на енергијата и за домаќинствата и за економијата, пренесува Бета.
